最近收到唔少DM同留言，問我關於家人嘅職業，質疑我是不是同路人。
嗯，姐夫係一名水警，雖不是防暴，據我所知亦從來冇喺呢場運動中出過前線。不過自運動以嚟，全家為避免磨擦已經甚少對話，family whatsapp group亦變得非常冷清。家中出現政見分歧並唔係咩開心事，加上呢啲係我嘅私事，實在冇咩好值得放上三家姐平台公告天下散播負能量。
我從來冇，亦不會出賣讀者。如果有人因為曾經同我分享心事而被當成證據被黑警追究，歡迎出嚟指證我。
家人冇得揀，要成為一個點樣嘅人卻係自己嘅選擇。畢竟將香港人劃分開嘅，早已再唔係姓氏，唔係住邊區，而係政見與良知。
呢段時間大家都辛苦了，多謝大家關心。天佑我城。
Search